Mae Dynesfeydd Môr Hafren wedi’i ddynodi ar gyfer gwarchod y llamhidydd Phocoena phocoena. Mae’r ACA yn ymestyn ar draws y dynesfeydd gorllewinol i Fôr Hafren, o Fae Caerfyrddin i arfordir gogleddol Dyfnaint a Chernyw.

Mae’r safle hwn yn cynnal tua 4.7% o’r boblogaeth llamhidyddion sydd dan oruchwyliaeth Uned Rheoli’r Môr Celtaidd a Môr Iwerddon yn y DU. Cydnabyddir bod yr ardal yn bwysig i lamhidyddion, yn enwedig yn ystod y gaeaf pan fydd nifer helaeth ohonynt i’w gweld yn barhaus ledled y safle.

Yr amcanion cadwraeth yw sicrhau bod y llamhidydd yn elfen hyfyw o’r safle, atal aflonyddwch sylweddol i’r rhywogaeth, ac i gynnal iechyd y cynefinoedd a’r pysgod sy’n gynhaliaeth iddynt.

Mae rhagor o wybodaeth ar gael yma.