Cilfachau arfordirol yw aberoedd ac mae dylanwad dŵr croyw yn fawr arnynt fel arfer.

Ymhlith yr ymwelwyr rheolaidd â’r ardaloedd hyn mae niferoedd o adar gwyllt sydd yn bwysig yn genedlaethol. Mae’r rhain yn adar gwyllt sy’n mynd heibio fel rhan o’u mudo gaeaf, gan aros er mwyn cyflawni ‘ail-lenwi’ hanfodol. Mae gwastadeddau llaid rhynglanwol sy’n draenio i’r brif ddyfrffordd yn cynnal cymunedau o bysgod cregyn a mwydod sy’n gyfoethog a chynhyrchiol.

Mae’r aberoedd sy’n rhan o ACA Bae Caerfyrddin ac Aberoedd yn cynnwys aberoedd y Tair Afon (Tywi, Taf a Gwendraeth) ac aber Llwchwr, a elwir yn aberoedd y Tair Afon a Chilfach Tywyn yn gyffredin.

Mae’r aberoedd sydd yn ACA Bae Caerfyrddin ac Aberoedd yn cynnwys cynefinoedd islanwol a rhynglanwol, er bod yr aberoedd rhynglanwol yn llawer mwy helaeth yn yr ACA hon.